ქუთაისში ინფექციურ საავადმყოფოში მოთავსებულ 20 წლის გოგოს კორონავირუსი არ აღმოაჩნდა. ლუგარის ლაბორატორიაში გაგზავნილი ანალიზების პასუხი ცოტა ხნის წინ გახდა ცნობილი.
როგორც კლინიკის ექიმი თემურ ნადირაძე აცხადებს, პაციენტს, რომელიც აეროპორტიდან შეიყვანეს H1N1 ვირუსი დაუდგინდა. პაციენტი ბოქსირებულ პალატაში რჩება, მისი მდგომარეობა სტაბილურია. მას ჩვეულებრივ პალატაში ხვალ გადაიყვანენ.
მილანიდან ჩამოსული მგზავრი კლინიკაში ტემპერატურით გუშინ შეიყვანეს.