Babajana LOGO

ელდარ გოგოლაძის საქმე - პროკურატურას CIA- ს თანამშრომლის მკვლელობის საქმე გაახსენდა

27 ნოემბერს 2020 12:44ნახვები 796წყარო: ipn.geფოტო: ipn.ge
"მთავარი არხის" ეთერში, ქართუ ჯგუფის ყოფილი ვიცე პრეზიდენტის მიერ, ბიძინა ივანიშვილის სკანდალური მხილების შემდეგ, "ოცნების" პროკურატურისთვის ელდარ გოგოლაძის საქმე განსაკუთრებულ პრიორიტეტად იქცა. 
შოთაძის უწყებაში გამოკითხვაზე დაიბარეს ანზორ შარმაიძე. ის ამერიკის ცენტრალური სადაზვერვო სამსახურის თანამშრომლის ფრედი ვუდროფის მკვლელობის საქმეზე იყო მსჯავრდებული. თავად შარმაიძე რომელმაც 14 წელი მოიხადა 2008 წლიდან ითხოვს საქმის გადახედვას და მისთვის დაზარალებულის სტატუსის მინიჭებას, თუმცა ყველა მისი მოთხოვნა წლების განმავლობაში რეაგირების გარეშე რჩებოდა.
შარმაიძე დღეს პროკურატურაში დღეს დაკითხეს. მან საგამოძიებო უწყებას 1993 წელს მომხდარი მკვლელობის შესახებ მიაწოდა ინფორმაცია.
შარმაიძის უფლებადამცველი ამბობს, რომ ერთადერთი მოთხოვნა შარმაიძის დაზარალებულად ცნობაა და ის ამ მოთხოვნას 2008 წლის შემდეგ მუდმივად აყენებს, თუმცა საქმე მას შემდეგ ამოტივტივდა, რაც გოგოლაძემ ივანიშვილი საჯაროდ ამხილა "მთავარი არხის" ეთერში.
ამერიკის მოქალაქის მკვლელობის დროს, გოგოლაძე ედუარდ შევარდნაძის დაცვის უფროსის თანამდებობას იკავებდა და მკვლელობის დროს იმავე მანქანაში იჯდა  
ვუდროფი 1993 წელს თბილისის შემოსასვლელში მოკლეს. პროკურატურამ მაშინ თქვა, რომ მას ბრმა ტყვია მოხვდა ჯარისკაცის იარაღიდან და ეს ჯარისკაცი ანზორ შარმაიძე იყო.
ელდარ გოგოლაძე ნიკა გვარამიასთან სკანდალური ინტერვიუს დროსაც ვარაუდობდა, რომ აღნიშნულ საქმეს პროკურატურა თაროდან ჩამოიღებდა. ხანდაზმულობის ვადა კი 3 წელიწადში იწურება, შესაბამისად შარმაიძის ადვოკატი ითხოვს, რაც შეიძლება მალე გადაიხედოს საქმე.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Georgian Bread
GWK
Truck Service & Parking
MAX Chania
amazon deals