„მთავარი ის არის, რომ დღესაც ნახავთ თქვენ ადამიანებს, ვისაც არ სჯერა, რომ კორონა არსებობს, არ სჯერა, რომ ეს არის პრობლემა და სჯერა, რომ ეს არის მოგონილი იმიტომ, რომ დაჩიპონ“,- ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ განაცხადა, რითაც უპასუხა ჟურნალისტის შეკითხვას, რა არის კორონავირუსთან ბრძოლის ის მთავარი ხარვეზი, რაც ამ დრომდე ვერ აღმოიფხვრა.
იმნაძის თქმით, ასევე არის კომუნიკაციის პრობლემა.
„ფაქტი სახეზეა, გადახედეთ სოციალურ ქსელებს. ჩემზე მეტი დრო გაქვთ ალბათ, რომ სოციალური ქსელი ნახოთ. რომ მიმზადებს ხოლმე ჩვენი პრესსამსახური, ისეთ რაღაცებს ვკითხულობ, არ მეგონა, რომ 21-ე საუკუნის საქართველოში კიდევ შეიძლებოდა ასე ეფიქრათ. ჩვენს ვებგვერდზე იდება ხოლმე, შეხედეთ როგორ მიდის კორონას შემთხვევები. გაზაფხულზე რომ ვადარებდი ხოლმე ჯომოლუნგმას, აი ახლა, ჯომოლუნგმაზე ავდივართ“, - განაცხადა იმნაძემ.