საფრანგეთში მცხოვრებმა საქართველოს მოქალაქემ თბილისში მის მისამართზე ჩაწერილი 157 პირი აღმოაჩინა
საფრანგეთში მცხოვრები საქართვეოს მოქალაქე ნუგზარ სულაშვილი ამბობს, რომ მისი ცოლის, ცირა სულაშვილის ბინაში 157 კაცი ჩაწერეს. ამ თემაზე მან "მთავართან" ისაუბრა და აღნიშნა, რომ არ იცის ვინ არიან მათ მისამართზე ჩაწერილი პირები ან როგორ მოხვდა ამდენი ადამიანი წინასაარჩევნოდ ერთ ბინაში.
სულაშვილის თქმით, ისიც და მისი ცოლიც 20 წელია საფრანგეთში ცხოვრობენ, ბინა სოფელ დიღომში, ცენტრალურ ქუჩაზე აქვთ.
სულაშვილის თქმით, ისიც და მისი ცოლიც 20 წელია საფრანგეთში ცხოვრობენ, ბინა სოფელ დიღომში, ცენტრალურ ქუჩაზე აქვთ.
"არჩევნების პერიოდში ჩვენ მისამართებზე ყოველთვის ვამოწმებდით იყო თუ არა ვინმე რეგისტრირებული. დღეს შევედი ჩემი მეუღლის საცხოვრებელი ბინის მისამართის გადასამოწმებლად, სადაც არის რეგისტრირებული და ამ მისამართზე მის გარდა 157 კაცია მითითებული. წარმოდგენა არ გვაქვს ვინ არიან, 20 წელია საფრანგეთში ვართ, საიდან უნდა ჩამეწერა მე 157 კაცი იმ მისამართზე, მითითებულია ჩემ მეუღლეზეც, რომ უცხოეთში ცხოვრობს", - ამბობს ნუგზარ სულაშვილი "მთავართან" საუბრისას.ნუგზარ სულაშვილი ჩვენთან საუბრისას აღნიშნავს, ცდილობს რომელიმე უწყებას დაუკავშირდეს, თუმცა ამას ამ დრომდე ვერ ახერხებს.