Babajana LOGO

გიორგი ვაშაძე - ჩემი პრემიერობის დროს ანგარიშსწორებას დავასრულებთ და სააკაშვილს საქართველოში ჩამოსვლის შესაძლებლობა ექნება

08 სექტემბერს 2020 10:20ნახვები 419წყარო: ipn.geფოტო: ipn.ge
"სტრატეგია აღმაშენებლის" ლიდერი გიორგი ვაშაძე მიხეილ სააკაშვილის საქართველოში დაბრუნების თაობაზე გაკეთებულ განცხადებას ეხმაურება და აცხადებს, რომ საქართველოში ერთხელ და სამუდამოდ უნდა დასრულდეს ანგარიშსწორება და მისი პრემიერობის დროს სააკაშვილს ქვეყანაში ჩამოსვლის შესაძლებლობა ექნება, რადგან მათ ვისაც ქვეყნის აღმშენებლობაში ჩართვა სურს, ამის შესაძლებლობა უნდა მიეცეს.
ვაშაძის თქმით, ის აპირებს, რომ გახდეს პროდასავლური კოალიციის მიერ მხარდაჭერილი საქართველოს პრემიერ-მინისტრი.
„როდესაც მე გავხდები საქართველოს პრემიერ-მინისტრი, ამ ქვეყანაში ანგარიშსწორებას და რევანშს დავამთავრებთ. მიხეილ სააკაშვილს ჩემი პრემიერობის დროს ექნება შესაძლებლობა საქართველოში ჩამოვიდეს. ხალხი გადაწყვეტს თუ ვინ იქნება ქვეყანაში მთავარი ოპოზიციური ძალა. ვაპირებ პროდასავლური კოალიციის მიერ მხარდაჭერილი პრემიერ-მინისტრი ვიყო. კარგია, რომ ოპოზიციის მხრიდან მეტი კანდიდატი იქნება. ჩვენ ხალხის მხარდაჭერისთვის ვიბრძვით და საბოლოო ჯამში, ხალხი იღებს გადაწყვეტილებას. მე ვაპირებ, რომ გავხდე ამ ქვეყნის პრემიერ-მინისტრი პროდასავლური კოალიციის მიერ მხარდაჭერილი. იმიტომ, რომ მინდა ქვეყანაში არსებული კრიმინალი და სიღარიბე დავამარცხო. ჩვენი კონკურენტი დამსხვრეული ოცნებების მთავრობაა, რომელმაც ქვეყანას პერსპექტივა წაართვა“, - განაცხადა ვაშაძემ.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania