ვოლსკი შალვა შავგულიძეზე - უზნეო გარიგება პოლიტიკურ ძალასთან, რომელმაც მოკლა გირგვლიანი
გია ვოლსკი შალვა შავგულიძის გადაწყვეტილებას უზნეოს უწოდებს. ვოლსკი იმ გადაწყვეტილებას ეხმაურება, რომლის მიხედვით, შავგულიძემ თანაგუნდელებთან ერთად "თავისუფალი დემოკრატები" დატოვა და 2020 წლის არჩევნებში, "ევროპული საქართველოს" საარჩევნო სიაში იქნებიან
"ეს არის უზნეო გარიგება იმ პოლიტიკურ ძალასთან, რომლის დიდი ნაწილი ჩართული იყო იმ რეჟიმის მართვაში, რომელმაც მოკლა გირგვლიანი და, რომლის საქმეს, ვინ თუ არა შალვა, ძალიან კარგად იცნობს და მას ეხება უკვე“ ამბობს ვოლსკი.
შალვა შავგულიძემ, ნინო გოგუაძემ, სანდრო ბარამიძემ და გიორგი ქიტიაშვილმა "თავისუფალი დემოკრატები" დღეს დატოვეს. როგორც შავგულიძემ განცხადა, ამის მიზეზი პარტიაში შექმნილი არაჯანსაღ ვითარება გახდა. მისივე თქმით, 2016 წლის არჩევნებისას მსგავსად, 2020 წლის არჩევნების წინაც, ბიძინა ივანიშვილმა "თავისუფალი დემოკრატების" შერყევა მოახერხა.