Babajana LOGO

ოკუპირებულ აფხაზეთში დაჭრილ მამაკაცთან დაკავშირებით სუს-მა ცხელი ხაზი გაააქტიურა

06 ივლისს 2020 03:54ნახვები 381წყარო: ipn.geფოტო: ipn.ge
ოკუპირებულ აფხაზეთში სავარაუდოდ, ცეცხლსასროლი იარაღიდან შუახნის მამაკაცის დაჭრის ფაქტთან დაკავშირებით სახელმწიფო უსაფრთხოების სამსახურმა ცხელი ხაზი გაააქტიურა. როგორც "ინტეპრესნიუსს" უწყებაში განუცხადეს, დამატებითი დეტალების გასარკვევად აქტიური კომუნიკაცია მიმდინარეობს.
"შესაძლო ინციდენტთან დაკავშირებით ცხელი ხაზი გავაქტიურეთ და მიმდინარეობს დამატებითი დეტალების გასარკვევად აქტიური კომუნიკაცია," - აღნიშნეს სუს-ში.
შეგახსენებთ, რომ ზუგდიდის რეფერალური საავადმყოფოს კლინიკური დირექტორის სულხან ორჟონიას განცხადებით, ოკუპირებული აფხაზეთიდან გადმოსული, სავარაუდოდ, ცეცხლსასროლი იარაღიდან დაჭრილი შუახნის მამაკაცი პირველადი სამედიცინო დახმარების გაწევის შემდეგ ქუთაისში გადაიყვანეს. ზუგდიდის რეფერალურ საავადმყოფოში მოქალაქე წუხელ შეიყვანეს.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania