Babajana LOGO

შალვა ნათელაშვილი - ვერ გავიგე, ეს დეპუტატის არჩევნებია თუ სასქესო ორგანოებს ვირჩევთ?

01 ივლისს 2020 11:13ნახვები 1 149წყარო: mtavari.tvფოტო: mtavari.tv
რას ჰქვია სქესობრივი ნიშნით კვოტების განსაზღვრა? ვერ გავიგე, ეს დეპუტატის არჩევნებია თუ სასქესო ორგანოებს ვირჩევთ? - ამის შესახებ განცხადება შალვა ნათელაშვილმა "მთავარი არხის" გადაცემა "დღის სტუმარში" საუბრისას გააკეთა. "ლეიბორისტული პარტიის" თავმჯდომარემ და გაერთიანებული ოპოზიციის ნაძალადევის მაჟორიტარობის კანდიდატმა თეა ადეიშვილთან სტუმრობისას საარჩევნო ცვლილებებში შესატან გენდერული კვოტირების თემაზე ისაუბრა. მისი აზრით, აღნიშნული ინიციატივა ქართველი ქალების შეურაცხყოფაა. 
"დეპუტატმა ქალბატონებმა, ქალბატონმა კილაძემ, გუგული მაღრაძემ და ენძელამ... წარმოადგინეს კანონპროექტი, რომლის თანახმადაც, სავალდებულოა ქალთა კვოტა. ყოველ პარტიულ სიაში ყოველი მეოთხე უნდა იყოს ქალი. მთელი იმ საქალეთის შეურაცხყოფაა, რომელი ქვეყნის მეთაურიც მე-12 საუკუნეში იყო დიდი თამარი. რას ჰქვია სქესობრივი ნიშნით კვოტების განსაზღვრა? ვერ გავიგე ეს დეპუტატის არჩევნებია თუ სასქესო ორგანოებს ვირჩევთ? მაპატიეთ, ბოდიშს გიხდით. ეს რა არის, რა შეურაცხყოფაა ჩვენს ქალებზე? ჩვენ ვართ ის ქვეყანა, რომ 21 წელს არა მარტო ქალები გვყავდა პარლამენტში დეპუტატებად, არამედ მუსლიმი ქალები გვყავდა, - ამბობს ნათელაშვილი.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

CDL Truck Drivers Needed
MAX Chania