Babajana LOGO

კალაძე - ბერას სულ უჩიჩხინებენ, ცილისწამების მსხვერპლია

27 ივნისს 2020 09:23ნახვები 1 115წყარო: mtavari.tvფოტო: mtavari.tv
დედაქალაქის მერი "მთავარი არხის" ეთერში, ახალგაზრდა ფეხბურთელის გარდაცვალების საქმეზე და ბრალდებულების გავლენიან მფარველებზე მომხადებულ რეპორტაჟს სოციალური ქსელით ეხმაურება.
კახა კალაძის განსაკუთრებული აღშფოთება რეპორტაჟში ბერა ივანიშვილის სახელის გაჟღერებამ გამოიწვია. მერი კალაძე ამბობს, რომ ბერა მუდმივი ტყუილისა და ცილისწამების მსხვერპლია.
რეპერები შენთან რა შუაში არიანო, ოჯახი რატომ შექმენიო, გადამწვარ ამაზონის ტყეს რატომ დაეხმარე, რაში გაინტერესებსო, ფეისბუქზე რატომ წერო, ბოლოს – „ტიკ-ტოკი“ რატომ გაქვსო. რაც „ქართული ოცნება“ შეიქმნა, მას მერე სულ უჩიჩხინებენ. არადა, არ უნდა ამ ადამიანს პოლიტიკასთან გაკარება, არის ამ ქვეყნის ჩვეულებრივი მოქალაქე და თავის სიხარულს, ინტერესებს, გულისტკივილს, ცხოვრების საინტერესო მომენტებს გამოხატავს ისე, როგორც უნდა, როგორც ნებისმიერი თქვენგანი.
უბრალოდ, ბევრად უფრო მეტი ტყუილისა და ცილისწამების მსხვერპლია, ვიდრე მისი მეგობრების თუ თანატოლების უმეტესობა. ისე, ტყუილს ლოგიკა რად უნდა, მთავარია ვირუსივით გაავრცელო, მიახველო სახეში ეთერიდან მოსახლეობას და „ხელებიც დამიბანია“.
ბერაზე მინდოდა დამეწერა და ეს სტატუსი ისევ „ფეიკმოღვაწეობაზეა“, ეს სტატუსი ისევ „მთავარ“ მატყუარაზეა… საშინელი ტრაგედიაც კი გამოიყენეს საკუთარი მიზნისთვის. ამორალურია ეს ყველაფერი! დეზინფორმაციაზე აღარ გავჩუმდეთ - დუმილი ასაზრდოებს ბოროტებას! #არატყუილს #არასიცრუეს“, - წერს კალაძე.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

CDL Truck Drivers Needed
MAX Chania