პრორუსული ჯგუფების აღზევებისთვის ქვეყანაში ნოყიერი ნიადაგია - ამის შესახებ "დემოკრატიის კვლევის" ინსტიტუტი საუბრობს.
ამ დასკვნამდე ორგანიზაციის წევრები სოციალურ ქსელებში არსებული  ულტრამემარჯვენე ჯგუფების საქმიანობისა და პრორუსულ ონლაინგამოცემებში გამოქვეყნებული სტატიების შეისწავლის შედეგ მივიდნენ. ორგანიზაციის ხელმძღვანელი, უჩა ნანუაშვილი აცხადებს, რომ მსგავსი ჯგუფების არსებობა და საქმიანობა განსხვავებული აზრის მქონე გაერთიანებების დასაშინებლად ხშირ შემთხვევაში ხელისუფლების მხრიდანაა წახალისებული. 
"ეს ჯგუფები ახდენენ გავლენას საზოგადოების განვითარებაზე. ისინი გამოირჩევიან ძალადობრივი მოწოდებებით. არ ხდება სანქციების გამოყენება ასეთი დანაშაულის მიმართ. ასეთი არაერთი ფაქტი იყო სამწუხაროდ, როდესაც ხელისუფლებას, მართლმსაჯულებას უნდა გამოყენებეინა კონკრეტული სანქციები, მაგრამ არ ყოფილა გამოყენებული" - ამბობს უჩა ნანუშავილი. მისივე თქმით, ულტრამემარჯვენე ჯგუფების რიტორიკაში შესამჩნევია ამერიკის დემონიზაციის მცდელობა და ანტილიბერალური გზავნილები, ხოლო მათი აგრესიის ობიექტები უმცირესობები, მათ შორის ფემინისტები, მიგრანტები, ლგბტ თემი, მუსლიმები და ლიბერალები ხდებიან.