Babajana LOGO

ნიუ-იორკის პოლიციამ დემონსტრანტების დაკავება „კომენდანტის საათის“ დადგომისთანავე დაიწყო

05 ივნისს 2020 03:25ნახვები 609წყარო: ipn.geფოტო: ipn.ge
პოლიციამ ნიუ-იორკში, მანჰეტენ მიდთაუნში, ჯორჯ ფლოიდის გარდაცვალებასთან დაკავშირებით მიმდინარე საპროტესტო აქციის მონაწილეების დაკავება დაიწყო.
მედიის ინფორმაციით, სამართალდამცავებმა დაკავების პროცესი ქალაქში „კომენდანტის საათის“ ამოქმედებისთანავე, საღამოს 8 საათიდან დაიწყეს.
ტელეკომპანის CNN-ის კორესპონდენტის ცნობით, პოლიციელები აქციის მონაწილეებს ყოველგვარი წინასწარი გაფრთხილების გარეშე აკავებენ.
საპროტესტო აქციები გრძელდება ვაშინგტონშიც, სადაც გასული ღამის განმავლობაში არავინ დაუკავებიათ, ვინაიდან ქალაქში რამდენიმე ღამეა „კომენდანტის საათი“ აღარ მოქმედებს.
შეგახსენებთ, აშშ-ში რამდენიმე დღეა საპროტესტო აქციები არ წყდება. პროტესტს მიზეზი ქალაქ მინეაპოლისში პოლიციის მიერ აფროამერიკელი მამაკაცის, ჯორჯ ფლოიდის, მიმართ განხორციელებული ძალადობა გახდა, კერძოდ, დაკავებისას ერთ-ერთ პოლიციელს ფლოიდის კისერზე მუხლი თითქმის 9 წუთის განმავლობაში ეჭირა. ინციდენტის შედეგად ფლოიდმა გონება დაკარგა და მედიკოსებმა მისი გადარჩენავეღარ მოახერხეს. აქციები მიენაპოლისში პოლიციელების დასჯის მოთხოვნით დაიწყო და მთელ ქვეყანას მოედო. მომიტინგეები პოლიციის მხრიდან შავკანიანებზე ძალადობას აპროტესტებენ.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania