Babajana LOGO

დონალდ ტრამპის განცხადებით, „დიდი შვიდეულის“ სამიტზე პუტინის მიწვევა „გონივრული აზრია“

03 ივნისს 2020 14:05ნახვები 893წყარო: ipn.geფოტო: ipn.ge
აშშ-ის პრეზიდენტის, დონალდ ტრამპის განცხადებით, რუსეთის ლიდერის, ვლადიმერ პუტინის „დიდი შვიდეულის“ ფორმატში მიწვევა „გონივრული აზრია“.
ტრამპის პოზიციით, ბევრად უფრო ადვილი იქნებოდა სხვადასხვა პრობლემების გადაჭრა, თუკი შეკრებაზე მოსკოვიც იქნება წარმოდგენილი.
„ბევრი საკითხი, რაზეც ჩვენ ვსაუბრობთ, პუტინს ეხება. მისი ოთახში ყოფნა საქმეებს მოაგვარებდა“, - განაცხადა ტრამპმა Fox News-ის რადიოსთან ინტერვიუში.
G7-ის შემადგენლობაში მსოფლიოს მოწინავე ეკონომიკის მქონე ქვეყნები შედიან. ესენია: აშშ, იტალია, იაპონია, კანადა, საფრანგეთი, გერმანია და დიდი ბრიტანეთი.
შეგახსნებთ, რომ რუსეთი „დიდი შვიდეულის“ ფორმატიდან 2014 წელს ყირიმის ანექსიის შემდეგ გარიცხეს. დონალდ ტრამპმა ცოტა ხნის წინ „დიდი შვიდეულის“ სამიტი, რომელიც ივნისში იგეგმებოდა, მინიმუმ სექტემბრამდე გადადო. ამასთან, პრეზიდენტმა მიწვეული ქვეყნების ჩამონათვალში ავსტრალიის, რუსეთის, სამხრეთ კორეისა და ინდოეთის დამატების სურვილი გამოთქვა.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Georgian Bread
GWK
Truck Service & Parking
MAX Chania
amazon deals