ამერიკელი რესპუბლიკელი კონგრესმენი ადამ კინზინგერი აშშ-ში მიმდინარე პროტესტს სოციალურ ქსელში ეხმაურება. როგორც კინზინგერი წერს, წესრიგის აღდგენაა საჭირო.
"პროტესტის უფლება არ მოიცავს ძეგლების დასახიჩრებას, ისტორიული შენობების დაწვას, ან ბიზნესის ძარცვასა და განადგურებას. ეს საშინელი, ძალადობრივი არეულობა აფერხებს იმ რეალურ უკმაყოფილებას, რომლის მოგვარებაც საჭიროა. ჩვენ გვჭირდება წესრიგის აღდგენა ახლა", - წერს კინზინგერი "ტვიტერზე".
ცნობისთვის, უკვე ერთი კვირაა აშშ-ში მასშტაბური საპროტესტო აქციები მიმდინარეობს. დემონსტრანტები აფრო-ამერიკელი მოქალაქის, ჯორჯ ფლოიდის დაკავებისას პოლიციის მიერ ძალის გადამეტებას აპროტესტებენ, რასაც ფლოიდის გარდაცვალება მოჰყვა.