Babajana LOGO

ლონდონსა და ბერლინში ჯორჯ ფლოიდის გარდაცვალების გამო აქციები გაიმართა

31 მაისს 2020 12:22ნახვები 581წყარო: ipn.geფოტო: ipn.ge
ლონდონსა და ბერლინში ჯორჯ ფლოიდის გარდაცვალებასთან დაკავშირებით აქციები გაიმართა. როგორც "როიტერსი" წერს, ქუჩებში ასობით ადამიანი გამოვიდა. მათივე ინფორმაციით, ლონდონში ამერიკელი დემონსტრანტების მიმართ სოლიდარობის გამოსახატად მოქალაქეები ლონდონის ცენტრალურ მოედანზე, ტრაფალგარის სკვერში შეიკრიბნენ, პარლამენტის შენობასთან მივიდნენ და აშშ-ის საელჩოსთან დაასრულეს.
"არ არსებობს სამართლიანობა, არ არსებობს მშვიდობა", -აცხადებდნენ აქციის მონაწილეები. რამდენიმე ასეული მომიტინგე შეიკრიბა ასევე ბერლინში, აშშ-ის საელჩოსთან, სადაც აქციის მონაწილეებს თან ჰქონდათ პლაკატები: „სამართლიანობა ჯორჯ ფლოიდისთვის“, „შეაჩერეთ მკვლელობა“ და ა.შ.
შეგახსენებთ, აშშ-ში რამდენიმე დღეა მასშტაბური საპროტესტო აქციები მიმდინარეობს. პროტესტი 46 წლის ჯორჯ ფლოიდის დაკავების ამსახველმა ვიდეომ გამოიწვია. კადრებში ჩანს, რომ ხელშეკრულ მამაკაცს პოლიციელი მუხლს კისერზე აჭერს, ისმის დაკავებულის სიტყვებიც, რომ სუნთქვა აღარ შეუძლია. მოგვიანებით ყოფილი პოლიციელი, დერეკ შოვონი, ჯორჯ ფლოიდის მკვლელობის საქმეზე დააკავეს და ბრალი მკვლელობისთვის წაუყენეს. სამართალდამცავები აცხადებენ, რომ ინციდენტში ჩართულ კიდევ სამ პოლიციელთან დაკავშირებით უახლოეს მომავალში მიიღებენ გადაწყვეტილებას.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
MAX Chania