გსურთ თუ არა, გაგრძელდეს „ქართული ოცნების ხელისუფლების მიერ აღებული მიმართულება, 51% ამბობს, რომ სურს - ასეთია საზოგადოებრივი აზრისა და ბიზნესის კვლევის საერთაშორისო ცენტრის (GORBI-ს) მიერ ჩატარებული კვლევის შედეგები.
2018 წელს ამავე კითხვაზე დაფიქსირდა 28%, 2017-ში 42%, 2016-ში 39%.
რაც შეეხება ქვეყნის განვითარების მიმართულების შეფასებას, წელს გამოკითხულთა 61% ფიქრობს, რომ ქვეყანა სწორი მიმართულებით ვითარდება, 28 % კი ამბობს, რომ არასწორად ვითარდება.
კომპანია GORBI-მ კვლევა ტელეკომპანია „იმედის“ დაკვეთით ჩაატარა. მონაცემები 15-დან 19 მაისამდე პერიოდს მოიცავს. GORBI-მ 1 090 ზრდასრული ადამიანი სატელეფონო მეთოდით გამოკითხა. დასაშვები ცდომილება +/- 3%-ია.