Babajana LOGO

აშშ-ში კორონავირუსით დაინფიცირებულთა რაოდენობამ 1.5 მილიონს გადააჭარბა

20 მაისს 2020 01:53ნახვები 129წყარო: ipn.geფოტო: ipn.ge
აშშ-ში ბოლო 24 საათის განმავლობაში კორონავირუსის 17 059 ახალი შემთხვევა დადასტურდა და დაინფიცირებულთა საერთო რაოდენობამ 1 527 355-ს მიაღწია, - ამის შესახებ ინფორმაციას „სიენენი“ ჯონს ჰოპკინსის უნივერსიტეტზე დაყრდნობით ავრცელებს.
მათივე ინფორმაციით, კორონავირუსს ქვეყანაში კიდევ 1 383 ადამიანის სიცოცხლე ემსხვერპლა და ფატალური შემთხვევების რიცხვი 91 872-მდე გაიზარდა.
აშშ-ის პრეზიდენტის, დონალდ ტრამპის, განცხადებით, ის რომ აშშ-ში შემთხვევების ყველაზე მეტი რაოდენობაა დადასტურებული, განპირობებულია იმით, რომ ქვეყანა ტესტირებას სხვებზე უკეთ ახორციელებს. “როდესაც აცხადებთ, რომ შემთხვევების რაოდენობით ლიდერები ვართ, ეს იმიტომ, რომ ჩვენ ტესტირებას სხვებზე უკეთ ვახორციელებთ,“- განაცხადა დონალდ ტრამპმა.
რაც შეეხება გლობალურ სტატისტიკას, worldometers-ის მონაცემებით, მსოფლიოში კოორნავირუსით დაინფიცირებულთა რაოდენობა 4 985 825-ია, დაღუპულია - 324 889 და გამოჯანმრთელებულია 1 958 441 ადამიანი.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Steve
Gzavnili
MAX Chania
Levan Natalishvili Law Office