ჩინეთის პრეზიდენტის, სი ძინპინის თქმით, პეკინი მომდევნო ორი წლის მანძილზე სხვადასხვა ქვეყანას 2 მილიარდი დოლარით დაეხმარება, კორონავირუსისგან გამოწვეული ზეგავლენის შემსუბუქების მიზნით.
„ჩინეთი მომდევნო ორი წლის მანძილზე 2 მილიონ ამერიკულ დოლარს გადაიხდის, რათა ვირუსით დაზარალებულმა ქვეყნებმა შეძლონ ვირუსით გამოწვეული ზარალის შემსუბუქება, განსაკუთრებით ეს ეხება განვითარებად ქვეყნებს“,-განაცხადა ძინპინმა მსოფლიო ჯანდაცვის ორგანიზაციის კონფერენციის გახსნისას.
ცნობისთვის, კორონავირუსი კოვიდ-19 თავდაპირველად ჩინეთის ქალაქ უხანში დაფიქსირდა, საიდანაც მსოფლიოს მასშტაბით გავრცელდა. მოგვიანებით, ჩინეთი ვირუსის შესახებ რეალური ინფორმაციის დამალვაში მსოფლიო ლიდერებმა და მედიამ არაერთხელ დაადანაშაულა.