Babajana LOGO

ჩინეთი აშშ-ს მოუწოდებს, სხვებზე დანაშაულის გადაბრალების ნაცვლად, საკუთარი ხალხის საჭიროებებზე მოახდინოს დროული რეაგირება

14 მაისს 2020 15:54ნახვები 884წყარო: ipn.geფოტო: ipn.ge
ჩინეთი ამერიკულ მხარეს მოუწოდებს, რომ სხვებზე დანაშაულის გადაბრალება შეწყვიტოს და სწრაფად მოახდინოს რეაგირება საკუთარი ხალხის პრობლემებზე. შესაბამისი განცხადებები დღეს ჩინეთის საგარეო საქმეთა სამინისტროს პრესსპიკერმა, ჩჟაო ლიცზიანიმ გააკეთა.
„ათასჯერ გამეორებული ტყუილი ისევ ტყუილია“, - აღნიშნა პრესსპიკერმა. ჩინეთის მიმართ ამერიკელი პოლიტიკოსების მხრიდან გამოთქმული ბრალდებების საპასუხოდ ჩჟაო ლიცზიანიმ აღნიშნა, რომ ჩინეთმა ქვეყანაში კორონავირუსის ეპიდემიის პრევენციისა და კონტროლის შესახებ დეტალური მონაცემები ბევრ შემთხვევებში საჯაროდ გამოაქვეყნა და შესაბამისი ფაქტები ნათელი გახადა. მისივე თქმით, აშშ-ში ბევრი გამოთქვამს შეშფოთებას და წუხილს იმის თაობაზე, თუ როგორ უმკლავდება ამერიკის ხელისუფლება კრიზისს.
„ჩვენ ვიმედოვნებთ, რომ აშშ დროულად შეძლებს უპასუხოს ხალხის წუხილს ღიად, გამჭვირვალედ და პასუხისმგებლობით და პრაქტიკულ, ეფექტურ ზომებს მიიღებს მისი ხალხის სიცოცხლისა და ჯანმრთელობის უზრუნველსაყოფად, ნაცვლად იმისა, რომ უბრალოდ სხვებს გადააბრალოს დანაშაული“, - განაცხადა ჩჟაო ლიცზიანიმ.
ბოლო პერიოდში აშშ-ის ხელისუფლების წარმომადგენლების მხრიდან კიდევ არაერთხელ გამოითქვა ბრალდებები, რომ ჩინეთმა უარი თქვა ამერიკელი ხალხის უსაფრთხოებისთვის საჭირო ინფორმაციის გაზიარებაზე.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
MAX Chania