ბოლო ერთი დღის განმავლობაში ამერიკის შეერთებულ შტატებში კორონავირუსით 1313 ადამიანი გარდაიცვალა. „კოვიდ-19“ დაუდგინეს 25502 ადამიანს. შესაბამის მონაცემებს ტელეკომპანია „სიენენი“ ჯონს ჰოპკინსის უნივერსიტეტზე დაყრდნობით ავრცელებს.
ამერიკის შეერთებულ შტატებში სულ კორონავრიუსით გარდაცვლილია 67682 ადამიანი, გამოვლენილია ინფიცირების ერთი მილიონ 158 ათასი შემთხვევა.
ბოლო დღე-ღამის განმავლობაში მხოლოდ ნიუ იორკის შტატში კორონავირუსით 280 ადამიანი გარდაიცვალა.
ამერიკის შეერთებული შტატები მსოფლიოში პირველ ადგილზეა „კოვიდ-19“-ით ინფიცირებულთა, გარდაცვლილთა და გამოჯანმრთელებულთა რაოდენობის მიხედვით.