ახალი 27 კოვიდპაციენტიდან შვიდის შემთხვევაში ინფიცირების წყარო ამ დროისთვის უცნობია,– ამის შესახებ ჟურნალისტებს ინფექციური საავადმყოფოს სამედიცინო ხელმძღვანელმა მარინა ეზუგბაიამ განუცხადა.
"13 პაციენტი არის ბოლნისის წყარო, ერთი – თეთრიწყაროს, ორი – მარნეულის, ოთხი საკარანტინო სივრციდან და დანარჩენის შემთხვევაში წყარო უცნობია – მოძიება ახლა ხდება",– განაცხადა ეზუგბაიამ.
ცნობისთვის: ბოლო 24 საათში საქართველოში ახალი ტიპის კორონავირუსის ინფიცირების 27 შემთხვევა დადასტურდა, ამდენად, 566–მდე გაიზარდა დადასტურებულ შემთხვევათა რიცხვი, მაგან 184 ადამიანი გამოჯანმრთელდა, ხოლო 6 პაციენტი გარდაიცვალა.