ნიუ-იორკის გუბერნატორი, ენდრიუ ქუომო ტრამპის განცხადებას ეხმაურება და აცხადებს, რომ ის მეფე არ არის, არამედ არჩეული პრეზიდენტია. დონალდ ტრამპმა გუშინ აღნიშნა, რომ როდის გაიხსნება შტატები თვითონ განსაზღვარავს, რადგან მას ამის სრული უფლებამოსილება აქვს, რაც გუბერნატორებმა იციან.
„პრეზიდენტს სრული უფლებამოსილება არ აქვს. ჩვენ გვაქვს კონსტიტუცია და ჩვენ არ გვყავს მეფე, ჩვენ გვყავს არჩეული პრეზიდენტი“,-აღნიშნა ქუომომ CNN-თან საუბრისას.
ცნობისთვის, ამერიკის პრეზიდენტი კორონავირუსთან დაკავშირებული გარკვეული ზომების შემსუბუქების მომხრეა, როცა ადგილობრივი მთავრობების ნაწილი აღნიშნულ ინიციატივას ეწინააღმდეგება.
აშშ-ში ამ დროისთვის ყველაზე მეტი 587173 კორონავირუსის შემთხვევა ფიქსირდება. ქვეყანა პირველ ადგილზეა გარდაცვლილთა რაოდენობით. ამერიკაში ვირუსს 23644 ადამიანის სიცოცხლე ემსხვერპლა.