Babajana LOGO

ჩინეთის ხელისუფლებამ Covid-19-ის ეპიდემიის შეჩერების შესახებ გამოაცხადა

29 მარტს 2020 18:19ნახვები 498წყარო: tabula.geფოტო: tabula.ge
ჩინეთში ახალი კორონავირუსის გავრცლება ამ დროისთვის შეჩერებულია, ამის შესახებ ჩინეთის ჯანმრთელობის ნაციონალური კომისიის წარმომადგენელმა, მი ფენგმა განაცხადა. 
ჩინეთის ხელისუფლების წარმომადგენლის თქმით, ამ დროისთვის ჩინეთში კორონავირუსით დაავადებულ ადამიანთა რიცხვი 3,000-ს არ აღემატება. მი ფენგი ამბობს, რომ ქვეყნის ხელისუფლება მომავალშიც გააგრძელებს ახალი კორონავირუსით დაავადებულ ადამიანთა იზოლაციას და მიიღებს ყველა ზომას, რათა აირიდონ დაავადების ხელახლი აფეთქება. 
ახალი კორონავირუსის, Covid-19-ის პირველი შემთხვევა სწორედ ჩინეთში, ჰუბეის პროვინციის ქალაქ უჰანში, დეკემბერში გამოვლინდა. ჩინეთის ხელისუფლება ახალი დაავადების შესახებ ინფორმაციას მალავდა, ხოლო დაავადების გავრცელების საწინააღმდეგო ზომები მხოლოდ მას შემდეგ მიიღო, რაც დაავადებულთა რიცხვმა ასეულებს გადააჭარბა. 
სწორედ ამის შემდეგ გადაწყდა უჰანისა და რამდენიმე მეზობელი ქალაქის საკარანტინო რეჟიმზე გადაყვანა. სულ, მოცემულ პერიოდში ჩინეთში ახალი კორონავირუსით 82 ათასი ადამიანი დაავადდა. გარდაიცვალა 3,300 ადამიანი. 
შემზღუდავი ზომების ნაწილი უჰანში მარტში გაუქმდა, დაავადების გავრცელებამ პიკს თებერვლის შუა რიცხვებში მიაღწია.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania