აჭარაში საკარანტინო სივრცეში მყოფთა რაოდენობა 1000-ს აღწევს. ამის შესახებ აჭარის ჯანდაცვის მინისტრის მოადგილე ნინო ნიჟარაძემ ჟურნალისტებს განუცხადა.
მისი ინფორმაციით, ბათუმის ინფექციურ საავადმყოფოში ცოტა ხნის წინ საკარანტინო სივრციდან ორი მოქალაქე მოათავსეს, მათ ტემპერატურის მატება აღენიშნებათ.
ნინო ნიჟარაძის განმარტებით, აღნიშნულ ორ პირზე კვლევის შედეგები ხვალ გახდება ცნობილი.
"ბათუმის ინფექციურ საავადმყოფოში, ორი ადამიანი საკარანტინო სივრციდან, ტემპერატურის მატებით შეიყვანეს. ლაბორატორიული კვლევის შედეგები ხვალ იქნება ცნობილი.
აჭარაში საკარანტინო სივრცეში საერთო ჯამში 1000-მდე პირი იმყოფება. თუ რაიმე საეჭვო ჩივილი აღენიშნებათ, მათ გადაყვანა დროულად ხდება კლინიკაში. თვითიზოლაციაში მყოფებზე აქტიური მეთვალყურეობა ხდება ძალოვანი უწყებებისა და ეპიდემიოლოგიური სამსახურის მიერ, მოსახლეობას მოვუწოდებ, რომ მასიური შეკრებებს მოერიდონ. საჭირო შემთხვევებში გამოვიდნენ გარეთ და დაიცვან წესები, რაც შეეხება ინფიცირებულების ჯანმრთელობის მდგომარეობას, დამაკმაყოფილებელია და ცუდისკენ არ პროგრესირებს. სამივე ინფიცირებულის მდგომარეობა კარგია",- განაცხადა ნინო ნიჟარაძემ.