Babajana LOGO

აშშ-ის სახაზინო მდივანი - კრიზისმა შეიძლება „დიდი დეპრესიით“ და მეორე მსოფლიო ომით მიყენებულ ზარალს გადააჭარბოს

18 მარტს 2020 14:20ნახვები 1 340წყარო: ipn.geფოტო: ipn.ge
„აშშ-ის ხელისუფლების მხრიდან მხარდაჭერისა და ფინანსური დახმარების გამოყოფის გარეშე, კორონავირუსის გამო ქვეყანაში უმუშევრობის დონე 20%-ით გაიზრდება“, - ამის შესახებ აშშ-ის სახაზინო მდივანმა სტივენ მნუჩინმა მედიასთან საუბრის დროს განაცხადა. მან „რესპუბლიკური პარტიის“ წევრებს მოუწოდა, ეკონომიკის სტიმულირებისთვის ქვეყნის ბიუჯეტიდან 1 ტრილიონი აშშ დოლარის გამოყოფას დაუჭირონ მხარი. მნუჩინის თქმით, ეს თანხა აშშ-ის მოსახლეობას კრიზის დამარცხებაში დაეხმარება და თითოეული მოქალაქე ფულად დახმარებას მიიღებს. ამასთანავე, ბიუჯეტიდან გამოყოფილი თანხა ეკონომიკის წახალისებასა და ავიაკომპანიებს მოხმარდებათ, რომლებიც გაკოტრების პირას არიან.
„თუ სახელმწიფო სწორ ნაბიჯებს არ გადადგამს, ქვეყანა სერიოზული საფრთხის წინაშე აღმოჩნდება და ეკონომიკური ზარალი არამხოლოდ 2008 წლის ეკონომიკურ კრიზისზე მეტი იქნება, არამედ მან შეიძლება „დიდი დეპრესიითა“ და მეორე მსოფლიო ომით მიყენებულ ზარალსაც კი გადააჭარბოს“,-განაცხადა მნუჩინმა.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania