თამარ ჩუგოშვილი - ერთხელ უკვე ძალიან მძიმედ მომატყუა ჩემივე გუნდმა, შესაბამისად, მეც არ მაქვს ნდობა, რომ რაღაცაზე რომც შევთანხმდეთ, ის ბოლომდე გავა
პარლამენტის დამოუკიდებელი დეპუტატის, თამარ ჩუგოშვილის განცხადებით, ხელისუფლების ნათქვამ სიტყვას არავინ აღარ ენდობა.
როგორც ჩუგოშვილმა „პალიტრანიუსის“ გადაცემა Newsroom-ში განაცხადა, არ არის გამორიცხული, რომ ხელისუფლება შეთანხმებაზე წავიდეს და შემდეგ უკან დაიხიოს, რადგან ამის მაგალითი არსებობს.
„ეს სისტემა თუ დარჩა, ორი პარტია რჩება ომში. ყველა დანარჩენისთვის ველი არის საშინლად დამძიმებული. აი, ამ პარტიებისთვის, რომლებსაც დღეს უნდათ შეთანხმება, ერთ-ერთი მთავარი ხელისშემშლელი არის ის, რომ არავინ აღარ ენდობა ხელისუფლების ნათქვამ სიტყვას, უნდობლობა არის სრული. შეიძლება დღეს თქვან, რომ გავიტანთ და ზეგ აღმოჩნდეს, რომ შიდაპარტიული დემოკრატია ისევ აღზევდა და ისევ არ გადის. ეს არ არის გამორიცხული, ასეთი რამ ჩვენ ვნახეთ, გამოვიარეთ ყველამ ერთად და შესაბამისად, ეს უნდობლობა არსებობს და აქვს საფუძველი. მეც არ მაქვს ნდობა, ერთხელ უკვე ძალიან მძიმედ მომატყუა ჩემივე გუნდმა, შესაბამისად, მეც არ მაქვს ნდობა, რომ რაღაცაზე რომც შევთანხმდეთ, ის ბოლომდე გავა.
კიდევ ერთხელ თუ ასეთ „ტრიუკს“ ჩაატარებს ხელისუფლება, ამით ბევრად უფრო დაიმძიმებს მდგომარეობას, ვიდრე დღეს აქვს, მაგრამ გამორიცხვა არ შეიძლება. ფაქტია, რომ ნდობა არ არსებობს და არავინ არ ენდობა იმ ნათქვამ სიტყვას, რომელსაც სხვა შემთხვევაში სხვა ფასი ექნებოდა“, - განაცხადა ჩუგოშვილმა.
როგორც ჩუგოშვილმა „პალიტრანიუსის“ გადაცემა Newsroom-ში განაცხადა, არ არის გამორიცხული, რომ ხელისუფლება შეთანხმებაზე წავიდეს და შემდეგ უკან დაიხიოს, რადგან ამის მაგალითი არსებობს.
„ეს სისტემა თუ დარჩა, ორი პარტია რჩება ომში. ყველა დანარჩენისთვის ველი არის საშინლად დამძიმებული. აი, ამ პარტიებისთვის, რომლებსაც დღეს უნდათ შეთანხმება, ერთ-ერთი მთავარი ხელისშემშლელი არის ის, რომ არავინ აღარ ენდობა ხელისუფლების ნათქვამ სიტყვას, უნდობლობა არის სრული. შეიძლება დღეს თქვან, რომ გავიტანთ და ზეგ აღმოჩნდეს, რომ შიდაპარტიული დემოკრატია ისევ აღზევდა და ისევ არ გადის. ეს არ არის გამორიცხული, ასეთი რამ ჩვენ ვნახეთ, გამოვიარეთ ყველამ ერთად და შესაბამისად, ეს უნდობლობა არსებობს და აქვს საფუძველი. მეც არ მაქვს ნდობა, ერთხელ უკვე ძალიან მძიმედ მომატყუა ჩემივე გუნდმა, შესაბამისად, მეც არ მაქვს ნდობა, რომ რაღაცაზე რომც შევთანხმდეთ, ის ბოლომდე გავა.
კიდევ ერთხელ თუ ასეთ „ტრიუკს“ ჩაატარებს ხელისუფლება, ამით ბევრად უფრო დაიმძიმებს მდგომარეობას, ვიდრე დღეს აქვს, მაგრამ გამორიცხვა არ შეიძლება. ფაქტია, რომ ნდობა არ არსებობს და არავინ არ ენდობა იმ ნათქვამ სიტყვას, რომელსაც სხვა შემთხვევაში სხვა ფასი ექნებოდა“, - განაცხადა ჩუგოშვილმა.