Babajana LOGO

ადვოკატი - ზურაბიშვილს ნამდვილი ყუმბარის ნაცვლად სანთბელა ეჭირა, ნასვამიც არ ყოფილა

20 ნოემბერს 2020 23:40ნახვები 207წყარო: resonancedaily.comფოტო: resonancedaily.com
ადვოკატი გიორგი ჭოჭუა აცხადებს, რომ წერეთელზე მიკროსაფინანსო ორგანიზაციაზე თავდამსხმელ ლევან ზურაბიშვილს ყუმბარის ფორმის სანთებელა ჰქონდა. ამის შესახებ მან განაცხადა დიდუბე-ჩუღურეთის პოლიციის განყოფილებასთან, სადაც დაკავებულის მონახულების შემდეგ ჟურნალისტებთან კომენტარი გააკეთა.
„ჯერჯერობით, ჩემი დაცვის ქვეშ მყოფი დუმილის უფლებით სარგებლობს. სხვა არაფერი ინფორმაცია არ გვაქვს. მას არ სურს საუბარი, ხვალ შევხვდებით ალბათ და დეტალურად გავისაუბრებთ. საქმის მასალები იქნება ხვალ.
როგორც ვიცი, ყველა მძევალი კარგად არის, არავისზე ზეწოლა არ მოუხდენია. მოთხოვნებზე მითხრა, რომ მისი მოთხოვნები იყო, დაეწიათ საბანკო პროცენტები, გაუქმებულიყო აზარტული თამაშები და იყო მესამე მოთხოვნაც. მე და ირმა ჭკადუა ვართ მისი ადვოკატები.
ის ყუმბარა იყო სანთებელა, ყუმბარის ფორმის სანთებელა, რომელიც შეიძინა. ეს სანთებელა რეალურ საფრთხეს არ წარმოადგენდა, იყო მხოლოდ და მხოლოდ სანთებელა“, – განაცხადა ადვოკატმა.
ამასთან, შეკითხვაზე, იყო თუ არა ლევან ზურაბიშვილი ფხიზელ მდგომარეობაში, ადვოკატმა აღნიშნა, რომ ის ფხიზელი იყო.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania