Babajana LOGO

ელენე ხოშტარია - ახლა, რაც ხდება, არ არის საარჩევნო შედეგები - პირველ რიგში, რასაც ვაკეთებთ, არის ოპოზიციის სწრაფი შეკრება

31 ოქტომბერს 2020 19:57ნახვები 197წყარო: ipn.geფოტო: ipn.ge
პირველ რიგშიც რასაც ჩვენ ვაკეთებთ ეს არის ოპოზიციის სწრაფი შეკრება. ყველა შევიკრიბებით და ძალიან სწრაფად ვიმოქმედებთ, - ამის შესახებ „ევროპული საქართველოს“ ვაკის მაჟორიტარი დეპუტატობის კანდიდატმა ელენე ხოშტარიამ განაცხადა, რითაც ცესკო-ს მიერ არჩევნების პირველად შედეგებს გამოეხმაურა.
მისი თქმით, არჩევნებს ცესკო კი არა, ბიძინა ივანიშვილი აყალბებს.
„ეს ახლა რაც ხდება, არ არის საარჩევნო შედეგები. ყველა ვიკრიბებით ახლა. ჩვენ ახლა ორ ფრონტზე ვართ. პარალელურად უბნებზე მიდიოდა ეს პროცესი, ერთმანეთთან სულ გვქონდა კომუნიკაცია და ახლა შევიკრიბებით.
არჩევნებს ცესკო და კი არა ბიძინა ივანიშვილი აყალბებს, ეს კარგად უნდა გვესმოდეს. ცესკო არის ერთ-ერთი ინსტრუმენტი“, - განაცხადა ელენე ხოშტარიამ.
ცნობისთვის, ცენტრალური საარჩევნო კომისიის წინასწარი მონაცემებით, „ქართულ ოცნებას“ ხმების 54,72%, „ ერთიან ნაციონალურ მოძრაობას“ 23,61%, ხოლო „ევროპულ საქართველოს“ 3,99% აქვს. ცესკოს ინფორმაციით, 3847 უბნიდან მონაცემები დათვლილია 1 085 უბნის მიხედვით.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania