უკრაინის სახელმწიფო სასაზღვრო სამსახურის ინფორმაციით, უკრაინელებმა ავდეევკასთან რუსული საბრძოლო თვითმფრინავი Су-25 ჩამოაგდეს. სასაზღვრო სამსახურის სპიკერის, ანდრეი დემჩენკოს ცნობით უკრაინის სასაზღვრო ქვედანაყოფის მიერ, პორტატული კომპლექსიდან გასროლილი საზენიტო რაკეტა საჰაერო სამიზნეს მოხვდა. შედეგად, რუსულმა თვითმფრინავმა სიმაღლე დაკარგა და საჰაერო სივრციდან გაქრა. 
ოქტომბრის დასაწყისში ავდეევკასთან ვითარება დაიძაბა. ოკუპანტები ქალაქის აღების მცდელობებს არ წყვეტენ. 
ტავრის რეგიონის თავდაცვის ძალების ერთობლივი პრეს-ცენტრის პრესსპიკერმა ალექსანდრ შტუპუნმა დღეს თავის კომენტარში აღნიშნა, რომ დონეცკის ოლქის ამ ქალაქში რუსულ არმიას ყველაზე დიდი მსხვერპლი ჰყავს.