"არგუმენტები არასაკმარისია... მივიღებთ ვეტოს დაძლევის გადაწყვეტილებას" | თალაკვაძე ახალ რუსულ კანონზე
"ქართული ოცნების" წევრმა, არჩილ თალაკვაძე ამბობს, რომ "შეკრებებისა და მანიფესტაციების შესახებ" კანონში შეტანილ ცვლილებებზე არგუმენტები არასაკმარისია, ამიტომ მმართველი პარტია უმრავლესობით ვეტოს დაძლევის გადაწყვეტილებას მიიღებს. ასევე, როგორც თალაკვაძე ამტკიცებს, რომ ამ წლების განმავლობაში არავის ჰქონია აქციის ჩატარების პრობლემა.
ცვლილებების მიხედვით, მნიშვნელოვნად იზღუდება გამოხატვისა და შეკრების თავისუფლება და დემონსტრანტებისთვის მთელ რიგ აკრძალვებს აწესებს.
შეკრების ან მანიფესტაციის მონაწილეებს ეკრძალებათ მოაწყონ დროებითი კონსტრუქცია, თუ მისი მოწყობა საფრთხეს უქმნის შეკრების ან მანიფესტაციის მონაწილეებს ან სხვა პირებს, ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას, იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას და შეკრების ან მანიფესტაციის ჩატარებას არ უკავშირდება.
17 ოქტომბერს ამ ცვლილებებს პრეზიდენტმა სალომე ზურაბიშვილმა ვეტო დაადო და "ანტიევროპული კანონი" უწოდა.
"არავის ჰქონია პრობლემა საკუთარი პროტესტის გამოხატვაზე, მაგრამ ჯგუფებს, რომლებსაც უნდათ საზოგადოების გულწრფელი პროტესტი გადააქციონ არეულობაში და დესტაბილიზაციაში, ხელისუფლება არ მივცემთ ამის შესაძლებლობას. ყველა, ვინც ამ კანონს უპირისპირდება და ვინც თვლის, რომ საქართველოს არ სჭირდება ხვალ უსაფრთხოება, სტაბილურობა და სიმშვიდე, ჩვენი მოქალაქეების ჯანმრთელობის მდგომარეობა და სიცოცხლე აქციების დროს იყოს დაცული, ეს ხალხი უპირისპირდება ზუსტად ამ კანონს. რაც შეეხება ვეტოს, არგუმენტები აბსოლუტურად არასაკმარისია, არაა საფუძველი იმისთვის, რომ ეს კანონი დარჩეს განხორციელების გარეშე, ამიტომ განვიხილავთ და მივიღებთ უმრავლესობით ვეტოს დაძლევის გადაწყვეტილებას, - თქვა თალაკვაძემ.შეგახსენებთ, პარლამენტმა "ქართული ოცნების" დეპუტატების მიერ მომზადებული კანონპროექტი, რომელსაც ე.წ. კარვების კანონსა და "მორიგ რუსულ კანონსაც" უწოდებენ, დაჩქარებული წესით განიხილა და 5 ოქტომბერს მესამე მოსმენით მიიღო.
ცვლილებების მიხედვით, მნიშვნელოვნად იზღუდება გამოხატვისა და შეკრების თავისუფლება და დემონსტრანტებისთვის მთელ რიგ აკრძალვებს აწესებს.
შეკრების ან მანიფესტაციის მონაწილეებს ეკრძალებათ მოაწყონ დროებითი კონსტრუქცია, თუ მისი მოწყობა საფრთხეს უქმნის შეკრების ან მანიფესტაციის მონაწილეებს ან სხვა პირებს, ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას, იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას და შეკრების ან მანიფესტაციის ჩატარებას არ უკავშირდება.
17 ოქტომბერს ამ ცვლილებებს პრეზიდენტმა სალომე ზურაბიშვილმა ვეტო დაადო და "ანტიევროპული კანონი" უწოდა.