საქართველოსა და მოლდოვას კლასიფიცირებას უსაფრთხო ქვეყნებად ვახდენთ | შოლცის თქმით, გერმანიიდან ხალხი უფრო ჩქარა უნდა დაადეპორტონ
გერმანიის კანცლერი, ოლაფ შოლცი არალეგალური მიგრაციის კონტროლის გამკაცრების საჭიროებაზე საუბრობს. Der Spiegel-ისთვის მიცემულ ინტერვიუში ის ამბობს, რომ დეპორტაცია უფრო ხშირი და ჩქარი ტემპით უნდა დაიწყონ.
შოლცმა აღნიშნა, რომ საქართველოსა და მოლდოვას კლასიფიცირებას უსაფრთხო ქვეყნებად ახდენენ.
შოლცმა აღნიშნა, რომ საქართველოსა და მოლდოვას კლასიფიცირებას უსაფრთხო ქვეყნებად ახდენენ.
"საქართველოსა და მოლდოვას კლასიფიცირებას უსაფრთხო ქვეყნებად ვახდენთ. ორივეს სურს გახდეს ევროკავშირის წევრი, შესაბამისად შეუძლებელია დავასკვნათ ამ ქვეყნებში სისტემური დევნის არსებობა. ვაძლიერებთ ევროპის გარე საზღვრების დაცვას, რათა უფრო ნაკლები ხალხი შემოვიდეს. ჩვენ შევთანხმდით ევროკავშირში სოლიდარობის ახალ მექანიზმზე: ლტოლვილები უნდა დარეგისტრირდნენ პირველ ქვეყანაში სადაც შევლენ, გერმანიისკენ დიდ მასებად დაძვრის ნაცვლად, სანაცვლოდ, მათ სამართლიანად გადაანაწილებენ მთელ ევროპაში. იმედია, ევროპარლამენტი ამ მექანიზმს უახლოეს თვეებში დაამტკიცებს", - თქვა შოლცმა.ჟურნალისტმა კანცლერს ჰკითხა, უნდა აქცევდეს თუ არა გერმანია მეტ ყურადღებას თუ ვინ შედის ქვეყანაში და ვის აქვს დარჩენის უფლება. შოლცის განცხადებით, ამას დიდი ხანია აკეთებენ, მაგრამ ახლა უფრო ზუსტად მოხდება დიფერენცირება. მისი თქმით, ერთი მხრივ ხდება მუშათა მიგრაცია, რაც გერმანიას სჭირდება, მაგრამ არიან ისეთი ადამიაენბიც, რომლებიც თავშესაფარს ითხოვენ პოლიტიკური ჩაგვრის მოტივით - "მეორეს მხრივ, ეს ნიშნავს, რომ ყველა, ვინც არ მიეკუთვნება ამ ჯგუფს, ვერ დარჩება".