"არჩევნებისთვის ათავისუფლებენ ველს, მინდა, ვუთხრა თალაკვაძეს, მე არ ვარ ხმა, მე ვარ პიროვნება" - საკადრო წმენდა ოზურგეთის მუზეუმთა გაერთიანებაში
საკადრო წმენდა ოზურგეთის მუზეუმთა გაერთიანებაში- მუნიციპალიტეტის მერს, ავთანდილ თალაკვაძეს, რეპრესიებში ადანაშაულებენ.
გაერთიანების დირექტორის მოადგილეს, მანანა მენაბდესა და ექვთიმე თაყაიშვილის სახლ-მუზეუმის სპეციალისტ მაია გოგორიკიძეს, სავარაუდოდ, რუსული კანონის გაპროტესტება და უკრაინის მხარდაჭერა არ აპატიეს, რის გამოც სამსახურიდან გაუშვეს.
როგორც გოგორიკიძე ამბობს, ოზურგეთში წინასაარჩევნოდ "ველს ათავისუფლებენ."
გაერთიანების დირექტორის მოადგილეს, მანანა მენაბდესა და ექვთიმე თაყაიშვილის სახლ-მუზეუმის სპეციალისტ მაია გოგორიკიძეს, სავარაუდოდ, რუსული კანონის გაპროტესტება და უკრაინის მხარდაჭერა არ აპატიეს, რის გამოც სამსახურიდან გაუშვეს.
როგორც გოგორიკიძე ამბობს, ოზურგეთში წინასაარჩევნოდ "ველს ათავისუფლებენ."
"გათავისუფლება ცოტა ზემოდან არის. იმიტომ, რომ აქ ათავისუფლებენ ველს არჩევნებისთვის. მე კიდეც ვუთხარი და მინდა ვუთხრა ბატონ ავთანდილ თალაკვაძეს, მე არ ვარ ხმა, მე ვარ პიროვნება. მე არაფრისთვის არ ვიბრძვი. ჩემი საბრძოლველი არის სამშობლო და ჩემი ქვეყანა. 13 წელია ვმუშაობ ექვთიმეს მუზეუმში, 13 წელია არავინ არ ყოფილა ჩემგან გულნატკენი წასული და მე ყოველთვის ვაფიქსირებდი ჩემს პოზიციას უკრაინასთან დაკავშირებით, ევროპასთან დაკავშირებით, რუსულ კანონთან დაკავშირებით და ყოველთვის ვიყავი აქტიური და ვიქნები აქტიური," - ამბობს გოგორიკიძე.