იქნება მეტი დრონი, იქნება მეტი თავდასხმა და ნაკლები რუსული გემი - აცხადებს უკრაინის ციფრული ტრანსფორმაციის მინისტრი მიხაილ ფედოროვი ანექსირებულ ყირიმში, ბოლო დროს გახშირებულ თავდასხმებზე საუბრისას.
ფედოროვი ამბობს, რომ 2023 წელს, უკრაინაში უპილოტო საფრენი აპარატების წარმოება გასულ წელთან შედარებით ასჯერ გაიზარდა - „ვფიქრობ, მიმდინარე წლის ბოლომდე ის გასულ წელთან შედარებით დაახლოებით 120-140-ჯერ გაიზრდება“, - ამბობს მინისტრი.
შეგახსენებთ, 13 სექტემბრის ღამეს, უკრაინის შეიარაღებული ძალების მიერ ყირიმში გემების სარემონტო ქარხანაზე განხორციელებული სარაკეტო თავდასხმის შედეგად დაზიანდა სადესანტო გემი „მინსკი“ და წყალქვეშა ნავი.
იქამდე, უკრაინა პირდაპირ არ ადასტურებდა მონაწილეობას ნახევარკუნძულზე სამხედრო ობიექტებზე თავდასხმებში.