"დანიის მიერ უკრაინისთვის F-16 გამანადგურებლების გადაცემა კონფლიქტის ესკალაციას იწვევს", - ამის შესახებ დანიაში რუსეთის ელჩი საუბრობს და დანიის გადაწყვეტილებას ეხმაურება, რომლის მიხედვითაც, ქვეყანა უკრაიანას F-16-ის ტიპის 19 ავიაგამანადგურებელს გადასცემს.

დანიის მიერ უკრაინისთვის 19 ერთეული F-16 გამანადგურებლის გადაცემა კონფლიქტის ესკალაციას იწვევს. იმ მოსაზრების საფარქვეშ, რომ უკრაინამ თავად უნდა განსაზღვროს მშვიდობის პირობები, დანია თავისი საქმითა და სიტყვებით ცდილობს, უკრაინას სხვა გზა არ დაუტოვოს, გარდა რუსეთთან სამხედრო დაპირისპირების გაგრძელებისა. ასეთი პოზიცია უკრაინას უბიძგებს უფსკრულისკენ და წირავს მის მოსახლეობას. დანიის გადაწყვეტილება F-16-ების უკრაინისთვის გადაცემის შესახებ სხვა ვერანაირ შედეგს ვერ მოიტანს. რუსეთის ეროვნული უსაფრთხოების უზრუნველსაყოფად უკრაინაში სპეცოპერაციის მიზნები მიღწეული იქნება, - ამბობს დანიაში რუსეთის ელჩი.