ქართული ოცნების თავმჯდომარემ ბათუმში გამართულ ანტირუსულ აქციას "ქაჯობა" უწოდა. 
"საქართველოს სწორედ პრაგმატული, რაციონალური პოლიტიკა სჭირდება და არა  ქაჯური" - თქვა "ქართული ოცნების" თავმჯდოარემ "ტვ იმედის" ეთერში, როცა მას კითხეს,  რას აპირებს ხელისუფლება, როდესაც საზოგადოების ნაწილი, ასევე ევროპარლამენტარები აღნიშნავენ, რომ ქართული ოცნება "რუსეთის მაამებელ პოლიტიკას ატარებს".

რასაც ვხედავთ, მათ შორის, ახლა, დღეს რაც ვიხილეთ, ეს არის უბრალოდ ქაჯობა. მინდა შეგახსენოთ, რომ ამ ქაჯობამ ქვეყანას ძალიან მძიმე შედეგები მოუტანა - ეს იყო 90-იანი წლების დასაწყისი, ეს იყო შედარებით გვიანდელი პერიოდი, ეს იყო 2004-12 წელი, მათ შორის, 2008 წელი. ჩვენ ხშირად ვიხსენებთ იმას, რომ ქართული ოცნება არის ერთადერთი ხელისუფლება, რომლის დროსაც ქვეყანას ომი არ ჰქონია. ყველა წინა ომი, რა თქმა უნდა რუსეთი იყო აგრესორი, მაგრამ ყველა შემთხვევაში, როდესაც პრობლემები ექმნებოდა ჩვენს ქვეყანას, ეს მათ შორის იყო იმ ქაჯობის შედეგი, რომელიც ჩვენი ქვეყნის წარმომადგენლების მხრიდან ხორციელდებოდა"- თქვა კობახიძემ.