"ჩემი პრეზიდენტობის დროს, საქართველოს რეგიონში სანიმუშოდ მოიხსენიებდნენ, ახლა კი ბელარუსული რეჟიმის გვერდზე გვახსენებენ" - მიხეილ სააკაშვილი ბაიდენის განცხადებაზე
"ჩემი პრეზიდენტობის დროს, საქართველოს რეგიონში სანიმუშოდ მოიხსენიებდნენ, ახლა კი ბელარუსული რეჟიმის გვერდზე გვახსენებენ", - ასე ეხმაურება საქართველოს მესამე პრეზიდენტი მიხეილ სააკაშვილი აშშ-ის პრეზიდენტის, ჯო ბაიდენის განცხადებას.
ამერიკის პრეზიდენტმა ქართველ ხალხს ისევე, როგორც ბელარუსებს და მოლდოველებს ბრძოლისაკენ მოუწოდა. დააკვირდით, რომ არც ბელარუსი და არც მოლდოვა ფორმალურად ნატო-სკენ არ მიისწრაფვიან.
ჩემი პრეზიდენტობის დროს, საქართველოს მოიხსენიებდნენ როგორც სახელმწიფოს, რომელიც სანიმუშო იყო რეგიონში. ახლა კი ბელარუსული რეჟიმის გვერდზე გვახსენებენ და არა საქართველოს მთავრობას, არამედ ქართველ ხალხს მოუწოდებენ ბრძოლისკენ.
დიახ, ჩვენ ვიბრძოლებთ და სწორედ ამიტომ ვარ აქ, რომ ჩვენს ხალხს საკუთარი თავისუფლების, ჯანმრთელობისა და თუნდაც სიცოცხლის ფასად ამ ბრძოლაში დავეხმარო, - წერს მიხეილ სააკაშვილი.