ომის შემსწავლელი ინსტიტუტი (ISW) უკრაინის თავდაცვის მინისტრის მოადგილეზე, ჰანა მალიარზე დაყრდნობით წერს, რომ რუსეთის ძალების რეზერვების უმეტესი ნაწილი ბახმუტის მიმართულებით არის კონცენტრირებული, რამაც ბოლო 24 საათის განმავლობაში უკრაინის კონტრშეტევები შეანელა.
ამავდროულად მალიარმა აღნიშნა, რომ უკრაინული ძალები ბვახმუტის ჩრდილოეთ და სამხრეთ გარეუბანზე კონტრშეტევებს აგრძელებენ და დაწინაურდნენ 500 მეტრზე ერთ ფლანგზე, ხოლო 1000 მეტრზე მეორეზე.
ამერიკელი ანალიტიკოსების თქმით, პრორუსი სამხედრო ბლოგერები ამტკიცებენ, რომ უკრაინელებს ბახმუტის გარშემო გრძელვადიანი ლოკალიზებული კონტრშეტევების მხარდაჭერა არ შეუძლიათ, თუმცა ექსპერტების შეფასებით, ბახმუტის მახლობლად ფლანგზე რუსული ძალები კვლავ სუსტია.
ISW-ის ექსპერტები ფიქრობენ, რომ ბახმუტის მახლობლად უკრაინულმა კონტრშეტევებმა, სავარაუდოდ, აღმოფხვრა რუსეთის მიერ უკრაინული ძალების ალყაში მოქცევის საფრთხე და აიძულა რუსული ჯარები გამოეყოთ მწირი სამხედრო რესურსები შეზღუდული და ლოკალიზებული თავდასხმისგან დასაცავად.