ლავროვის შვილი დროის სატარებლად ჩამოდის... რომ არ ყოფილიყო შეთანხმებული საქართველოს უსაფრთხოებასთან, შეუძლებელია, რომ ის შემოსულიყო ქვეყანაში" | ხოშტარია
"ლავროვის შვილი დროის სატარებლად ჩამოდის... რომ არ ყოფილიყო შეთანხმებული საქართველოს უსაფრთხოებასთან, შეუძლებელია, რომ ის შემოსულიყო ქვეყანაში", - ასე ეხმაურება "დროას" ლიდერი, ელენე ხოშტარია სერგეი ლავროის შვილის საქართელოში ჩამოსვლას და კახეთში, მისი ოჯახის წევრების მიერ დაგეგმილ ქორწილს.
"შეუძლებელია, რომ აქ უსაფრთხოება არ ყოფილიყო ჩართული. სტუმრების უმრავლესობა ვლადიკავკაზით ჩამოვიდა, თუმცა ლავროვის შვილის ჩამოსვლის გზა უცნობია. დარწმუნებული ვარ, ის რომ არ ყოფილიყო შეთანხმებული საქართველოს უსაფრხოებასთან, შეუძლებელია რომ შემოსულიყო."-თქვა ელენე ხოშტარიამ. ცნობისათვის, რუსეთის საგარეო საქმეთა მინისტრის სანქცირებული შვილი ეკატერინა ლავროვა საქართველოში ჩამოვიდა.
გავრცელებული ინფორმაციით, ლავროვების ერთ-ერთი ნათესავი გრანდიოზულ ქორწილს ყვარელში იხდის და ეკატერინა ლავროვა ამ ქორწილისთვის ჩამოვიდა.