ვერ დამისახელებთ ვერცერთ განცხადებას, ვერ მოიყვანთ მაგალითს, რომ ანტიდასავლური განცხადება გამეკეთებინოს - კალაძე
"ვერ დამისახელებთ ვერცერთ განცხადებას, ვერ მოიყვანთ ვერცერთ მაგალითს, რომ მე გამეკეთებინოს ანტიდასავლური განცხადება. თუ თქვენ ანტიდასავლურს უწოდებთ იმ კონკრეტული ადამიანების მიერ გაკეთებული განცხადებების პასუხს, რომელიც შეურაცხყოფა იყო პირდაპირი ჩვენი ქვეყნის, ჩვენი ქვეყნის მოსახლეობის მიმართ, კიდევ ერთხელ მინდა ხაზი გავუსვა იმას, რომ ჩვენი მხრიდან ყოველთვის მოჰყვება შესაბამისი რეაქცია, ყოველთვის იქნება შესაბამისი პასუხი იმასთან დაკავშირებით, რომ როდესაც არის მცდელობა თვალებში ნაცარი შეგაყარონ, შენ ამის შესაძლებლობა არ უნდა მისცე, არ აქვს მნიშვნელობა, ვინც არ უნდა იყოს, ან როდესაც თეთრზე გეუბნებიან შავია, არც ეს არ უნდა გაატარო და მაქსიმალურად მოსახლეობას მიაწოდო ყოველთვის სწორი ინფორმაცია ამა თუ იმ საკითხზე".თქვა "ქართული ოცნების" გენერალურმა მდივანმა, კახი კალაძემ.