რუსეთის რამდენიმე ქალაქში, მათ შორის მოსკოვში 9 მაისის აღლუმის საჰაერო ნაწილი წინა წლის მსგავსად წელსაც გაუქმდა, - ამის შესახებ ინფორმაციას რუსული სამთავრობო მედია Interfax ავრცელებს.  
როგორც გამოცემა წერს, კრემლმა ამის ოფიციალურ მიზეზად ცუდი ამინდი დაასახელა. 
საავიაციო ნაწილის ცუდი ამინდის გამო გაუქმება დაადასტურა რუსეთის ქვეითი ძალების გენერალმა, ოლეგ სალიუკოვმა. 
შეგახსენებთ, რომ დღეს რუსეთში ფაშიზმის დამარცხების დღის აღსანიშნავად ყოველწლიური აღლუმი გაიმართა. 
რუსეთის თავდაცვის სამინისტროს მონაცემებით, ღონისძიებაში მონაწილეობა 11,000-მა ჯარისკაცმა და 131-მა სამხედრო ტექნიკამ მიიღო მონაწილეობა. 
ღონისძიების საჰაერო ნაწილი 2022 წლის ღონისძიებაზეც გადაიდო. რუსულმა მხარემ მომხდარი მაშინაც ცუდ ამინდს დააბრალა.
რუსეთის დედაქალაქში ჩასულები არიან ბელარუსის პრეზიდენტი, ისევე როგორც  უზბეკეთის, ტაჯიკეთის, ყირგიზეთის, ყაზახეთისა და სომხეთის ლიდერები. ამერიკული „ომის შემსწავლელი ინსტიტუტის“ ექსპერტების მოსაზრებით, პუტინი ამით ცდილობს აჩვენოს, რომ მოსკოვი შუა აზიაზე გავლენას ინარჩუნებს. აღსანიშნავია, რომ ე.წ. „უკვდავი პოლკის“ მსვლელობა, რომელიც ძირითადად კრემლის მიერ პროპაგანდისტული მიზნებისთვის გამოიყენება, წელს არ გაიმართება,  ასევე გაუქმებულია პუტინთან ვეტერანების ტრადიციული საზეიმო მიღება კრემლში.