20 ნაბიჯი ჩამოიაროს კაბინეტიდან, დედები რომ ღამეს ათენებენ, იქ გაიხსენოს ოჯახის სიწმინდე - ნაცვლიშვილი ღარიბაშვილზე
"საუბრობს ოჯახზე, დედებზე, ბავშვებზე, ასეთ კარგ რაღაცებზე, მაგაზე ბუდაპეშტში საუბარს, ურჩევნია 20 ნაბიჯი ჩამოიაროს თავისი კაბინეტიდან და მისი კაბინეტის წინ, მეორე კვირაა დედები, რომლებმაც ოჯახები დატოვეს და შვილების გადასარჩენად იძულებულები არიან ღამე ათენონ კანცელარიის წინ, აი მანდ რომ გაიხსენოს "ოჯახის სიწმინდე" და ის რომ ქალი სახლში უნდა იყოს ბავშვთან, კარგი იქნება და გაიგონოს, რომ წამალი სჭირდებათ ბავშვებს".
თქვა "ლელოს" დეპუტატმა, ანა ნაცვლიშვილმა პრემიერის კონსერვატიულ კონფერენციაზე გამოსვლასთან დაკავშირებით.