უკრაინის პრეზიდენტის, ვოლოდიმირ ზელენსკის განცხადებით, უკრაინის კონტრშეტევა ყირიმის დეოკუპაციის გეგმებს მოიცავს, - უკრაინული მედიის ინფორმაციით, ამის შესახებ უკრაინის პრეზიდენტმა, ვოლოდიმირ ზელენსკიმ სკანდინავიურ მედიასთან საუბარში განაცხადა.
მისი თქმით, სჯერა, რომ კონტრშეტევა წარმატებული იქნება რუსული ძალების მოგერიებისა და ყირიმის ნახევარკუნძულის დაბრუნების კუთხით, თუმცა, ზელენსკი ხაზს უსვამს, რომ უკრაინის წარმატება დიდწილად დამოკიდებულია დასავლეთის მიერ იარაღის მიწოდებაზე.
„გვსურს, რაც შეიძლება მეტი ადამიანის გადარჩენა, ამიტომ იარაღის რაოდენობა მნიშვნელოვანია“, - განაცხადა ზელენსკიმ და დასძინა, რომ „რუსული ძალები ყოველდღიურად კარგავენ მოტივაციას და ასევე ეშინიათ შედეგების იმ შემთხვევაში, თუკი უკან დაიხევენ“.