ვოლსკი - "ქართული სასამართლო არის მყარ პოზიციაზე ევროკავშირის სივრცეში"
"ქართული სასამართლო არის საკმაოდ მყარ პოზიციაზე ევროკავშირის სივრცეში" - ამის შესახებ პარლამენტის ვიცე სპიკერმა, გია ვოლსკიმ თქვა.
მისივე თქმით, არ არსებობს წინაპირობა, რომ სასამართლოსთან დაკავშირებით პარლამენტში საგამოძიებო კომისია შეიქმნას.
მისივე თქმით, არ არსებობს წინაპირობა, რომ სასამართლოსთან დაკავშირებით პარლამენტში საგამოძიებო კომისია შეიქმნას.
"ქართული სასამართლო არის საკმაოდ მყარ პოზიციაზე ევროკავშირის სივრცეში. ეს მყარი პოზიცია, რასაკვირველია, მოსვენებას არ აძლევს კონკრეტულ პოლიტიკურ ჯგუფებს, რევოლუციურ კომიტეტს და ამ თემის შემოტანა საპარლამენტო კომისიაზე ემსახურება მხოლოდ ერთ მიზანს, როგორმე პოზიტიურად არ იქნას შეფასებული რეკომენდაციების იმ მუხლის შესრულება, რომელიც საქართველოს სასამართლოს ეხება. ამაში სხვა არანაირი იდეა არ დევს. თუ არსებობს ასეთი ფაქტი, რომ კორუფციაა გამოვლენილი და ამას კონკრეტული სახე და ფორმა აქვს, ან თუნდაც რაიმე სასამართლო გადაწყვეტილებაში აისახა ეს, ამასთან დაკავშირებით, უპირველეს ყოვლისა, საგამოძიებო სტრუქტურა უნდა დაინტერესდეს. მოსამართლის სასამართლოში დაბარება, მოსამართლისთვის ანგარიშის მოთხოვნა არის სწორედ ის, რაც ეწინააღმდეგება იმ საკონსტიტუციო დოგმებს, რომლებიც დემოკრატიული სახელმწიფოსთვისაა დამახასიათებელი" - თქვა ვოლსკიმ.