"პრეზიდენტმა, თქვენი ტირილი არ ესმის პრემიერს და ჩემს სიტყვას გაიგონებსო", - ამის შესახებ "მთავარი არხის" ეთერში, გადაცემაში "ღამის მთავარი", აქონდროპლაზიის სინდრომის ბავშვის დედამ, აქციის მონაწილემ, ეკა ჭონქაძემ ისაუბრა. 
მისი თქმით, პრეზიდენტ ზურაბიშვილისგან მიიღეს დაპირება, რომ ჯანდაცვა აქონდროპლაზიის სინდრომის მქონე ბავშვებისთვის წამალს შემოიტანს.

"პრეზიდენტს რომ შევხდით, ძალიან თბილად მიგვიღო, როგორც დედა ჯერ, როგორც ქალი და როგორც საქართველოს პრეზიდენტმა ერთადერთი სიტყვა, ძალიან კარგად დავიმახსოვრე, რომ თქვენი ტირილი არ ესმის პრემიერს და ჩემს სიტყვას გაიგონებსო?! მე ყველანაირად დაგიდგებით გვერდში და ყველანაირად ვეცდები ჩავრთო საერთაშორისო სტანდარტების ექიმები, მივაწვდინო ჯანდაცვას ყველაფერი, რაც საჭიროა, რომ დროულად შემოუტანონ დროულად წამალი. იმედი მაქვს, რომ პრეზიდენტი თავის სიტყვას შეასრულებს", - ამბობს ეკა ჭონქაძე.

შეგახსენებთ, რომ აქონდროპლაზიის სინდრომის მქონე ბავშვების მშობლები პრეზიდენტ, სალომე ზურაბიშვილს შეხვდნენ.