ამერიკის ელჩი საქართველოში, კელი დეგნანი ამბობს, რომ პრეზიდენტის გადასაწყვეტია, შეიწყალებს თუ არა "მთავარი არხის" გენერალურ დირექტორ, ნიკა გვარამიას. მისი თქმით, ჰელსინკის კომისიამაც, ისევე როგორც საელჩომ, ნათლად თქვა, რომ გვარამიას საქმე შეშფოთებას იწვევს.

"ჰელსინკის კომისია არის ძალიან პატივსაცემი ორგანიზაცია, რომელსაც აქვს მანდატი ამერიკის შეერთებული შტატების კონგრესისგან, რომ მონიტორინგი გაუწიოს ადამიანთა უფლებების დაცვას მთელ მსოფლიოში, მათ შორის მედიის თავისუფლების დაცვასაც. ამ ორგანიზაციამ ნათლად განაცხადა, ისევე როგორც საელჩომ, რომ გვარამიას საქმე შეშფოთებას იწვევს, მათ შორის თავდაპირველი ბრალდებები, ამ ბრალდებების დროულობა და შემდგომ პატიმრობის მისჯა, ასე რომ, ეს არის წერილი ორგანიზაციისგან, რომელიც საქართველოს მეგობარი და დემოკრატიული რეფორმების მხარდამჭერი იყო მრავალი წლის განმავლობაში, საბოლოოდ, რა თქმა უნდა, შეწყალების შესახებ გადაწყვეტილების მიღება მხოლოდ ქალბატონი ზურაბიშვილის პრეროგატივაა და მე დარწმუნებული ვარ, რომ ის ყველაფერს მიიღებს მხედველობაში", - თქვა კელი დეგნანმა.