რუსული ოცნებისგან პუტინის ან ლავროვის კრიტიკას ვერ გაიგებთ, ლანძღავენ მათ, ვინც საქართველოს ევროინტეგრაციას უჭერს მხარს - ხაბეიშვილი
"ნაციონალური მოძრაობის" თავმჯდომარე, ლევან ხაბეიშვილი ამბობს, რომ ის "შავი პიარის" კამპანია, რაც დღეს "ქართული ოცნების" მიერ ევროპარლამენტარ ვიოლა ფონ კრამონთან დაკავშირებით საზოგადოება ხედავს, რუსული ოცნების ჩვეული ხელწერაა.
ხაბეიშვილი ამბობს, რომ ოკუპანტი ქვეყნის ხელმძღვანელების ნაცვლად "ქართული ოცნება" აკრიტიკებს მათ, ვინ საქართველოს ევროინტეგრაციის მხარდამჭერია.
ხაბეიშვილი ამბობს, რომ ოკუპანტი ქვეყნის ხელმძღვანელების ნაცვლად "ქართული ოცნება" აკრიტიკებს მათ, ვინ საქართველოს ევროინტეგრაციის მხარდამჭერია.
"ისევ იგივეს ვუყურებთ, რასაც აქამდე, ჩვენს დასავლელ პარტნიორებს ლანძღავენ, ჩვენს ევროპელ კოლეგებს, ვინც მხარს უჭერს საქართველოს ევროინტეგრაციას მათ ლანძღავენ. ჩვენ მათგან არ ვისმენთ პუტინის ლანძღვას, ან ლავროვის კრიტიკას. ესეთ რამეს ვერ გაიგებთ. თქვენ მხოლოდ ნახავთ იმ ადამიანების ლანძღვას, შავ პიარს, ვინც საქართველოს ევროინტეგრაციას უჭერს მხარს. ეს ისტერია, რაც რუსულ ოცნებაშია ატეხილი, მიანიშნებს, რომ საბოტაჟირებენ ჩვენს მომავალს და რუსულად, კრემლის პროპაგანდისტული მანქანის მესიჯებით საუბრობენ, იგივეა, რაც ფონ კრამონთან დაკვშირებით ახლა ხდება",- თქვა ხაბეიშვილმა.შეგახსენებთ, რომ ევროპარლამენტარი, გერმანელი პოლიტიკოსი ვიოლა ფონ კრამონი საქართველოში გუშინ ჩამოვიდა და კრამონი რუსული კანონის საწინააღმდეგო აქციაზე დაკავებული 21 წლის ლაზარე გრიგორიადისის მხარდასაჭერ საპროტესტო აქციაზე მივიდა.