განადგურებული მომხვდურების ჭირისუფალ მთავრობასთან და რუს პრემიერთან გვაქვს საქმე - მიხეილ სააკაშვილის პასუხი ღარიბაშვილს
საქართველოს მესამე პრეზიდენტი აცხადებს, რომ ტყუილია განცხადება თითქოს, ის ექიმებზე და კონსილიუმზე უარს ამბობს. გარდა ამისა, მიხეილ სააკაშვილი პრემიერ ღარიბაშვილის დღევანდელ განცხადებას ეხმაურება და წერს, რომ მმართველობა დღევანდელმა ხელისუფლებამ მისი აბსურდული ბრალდებებით დაიწყო და ამით ამთავრებს:
"ტყუილია, რომ მე ექიმებზე და კონსილიუმზე ვამბობ უარს. ჩვენ უკვე სამი კვირაა ველოდებით ევროკავშირის კონსილიუმს, რომელთაც საქართველოს მთავრობა ჩემთან არ უშვებს. რაც შეეხება კლინიკის ენდოკრინოლოგს, ჩვეულებრივად ვემუშავები და მას ჩემთან პრეტენზიები არ აქვს.
ამდენი წელი მათ უნდათ მომაკრან მკვლელის იარლიყი, ოღონდ ვერაფრით ვერ ამბობენ, ვინ და სად მოვკალი. გირგვლიანის საქმე კი იყო შეწყალებაზე მიბმის საქმე თავიდან ბოლომდე შეთითხნილი. სწორედ ამიტომ მიწოდებენ ავტორიტეტული საერთაშორისო ორგანიზაციები პოლიტიკურ პატიმარს. ამ ბანდის შიზოფრენიამ უკვე უმაღლეს წერტილს მიაღწია და მე მგონი არავის ეპარება ეჭვი, რომ მე ვერ ვიპოვი სამართლიანობას.
ერთადერთი, ვინც ჩემს დროს ქართულმა სახელმწიფო ძალებმა დახოცეს ასობით იყვნენ ის რუსი ინტერვენტები, რომელთაც 2008 წელს გადმოკვეთეს ჩვენი საზღვარი. სწორედ ამათ ხოცვაზე საუბრობს ბოლომდე რუსი პრემიერი. სწორედ განადგურებული მომხვდურების ჭირისუფალ მთავრობასთან გვაქვს საქმე.
ამათ დაიწყეს ჩემი აბსურდული ბრალდებებით მათი მმართველობა და ამთავრებენ იგივეთი." ნათქვამია მიხეილ სააკაშვილის ფეისბუქზე გავრცელებულ განცხადებაში.