დარწმუნებული ვართ, ჩინეთი რუსეთისთვის ლეტალური აღჭურვილობის გაგზავნას განიხილავს - CIA-ს დირექტორი
შეერთებული შტატების ცენტრალური სადაზვერვო სააგენტოს (CIA) დირექტორის, თქმით, აშშ დარწმუნებულია, რომ ჩინეთი რუსეთისთვის ლეტალური დახმარების გაგზავნას განიხილავს, თუმცა უილიამ ბერნსიმ აღნიშნა, რომ ოფიციალურ პეკინს საბოლოო გადაწყვეტილება არ მიუღია.
"ჩვენ დარწმუნებული ვართ, რომ ჩინეთის ხელმძღვანელობა [რუსეთისთვის] ლეტალური აღჭურვილობის გაგზავნას განიხილავს. საბოლოო გადაწყვეტილება ჯერ მიღებული არ არის, ასევე არ არსებობს მტკიცებულება აღჭურვილობის გაგზავნის შესახებ", - თქვა CIA-ს ხელმძღვანელმა.შეგახსენებთ, აშშ-ის პრეზიდენტმა, ჯო ბაიდენმა განაცხადა, რომ იმ შემთხვევაში თუ ჩინეთი რუსეთს იარაღს აუგზავნის ამერიკა მას სანქციებით უპასუხებს.