ჩვენ უკვე ვწვდებით მარიუპოლს - გიორგი ქუფარაშვილი
აზოვის პოლკის დამფუძნებლის, გიორგი ქუფარაშვილის თქმით, უკრაინასთან ომში რუსეთი რეგულარულ არმიას უფრთხილდება და ფრონტის წინა ხაზზე ახლა "ვაგნერელებს", ციხიდან გამოყვანილ სამუდამო პატიმრობამისჯილ პატიმრებსა და სხვადასხვა დაავადებების მქონე პირებს უშვებს.
როგორც ქუფარაშვილი "შაბათის მთავარის" ეთერში ჩართვისას ამბობს, რუსეთი სამხედრო ტექნიკას უფრთხილდება
როგორც ქუფარაშვილი "შაბათის მთავარის" ეთერში ჩართვისას ამბობს, რუსეთი სამხედრო ტექნიკას უფრთხილდება
ძირითადად ეს არის "ვაგნერი", ფაქტობრივად, დაღუპულებს, ტყვედ აყვანილებს რასაც ვხედავთ, ეს არ არიან რეგულარული არმიის წარმომადგენლები. ისინი არიან ციხიდან გამოყვანილი, მძიმე დანაშაულებზე სამუდამო პატიმრობამისჯილი სხვადასხვა დაავადებების [მქონე პირები], მათ აქვთ სპეციალური სამაჯურები მაჯებზე, რომლითაც აღნიშნავენ.მისი თქმით, ვითარება რთულია განსაკუთრებით ბახმუტის მიმართულებაზე, სადაც რუსები რეგულარულ არმიასა და შეიარაღებას სავარაუდოდ გაზაფხულისთვის ინახავენ და უფრთხილდებიან -" ამ მომენტისთვის უშვებენ მხოლოდ ვაგნერის ჯგუფებს. ტალღა ტალღაზე მოდის...", - ამბობს ქუფარაშვილი. ქუფარაშვილი ამბობს იმასაც, რომ უკრაინა პარტნიორებისგან მიწოდებული იარაღის წყალობით, უკვე სწვდება მარიუპოლს და რუსების ლოჯისტიკურ ჰაბებს ანადგურებენ:
მათ ასევე აქვთ ბრძანება, რომ თუ უკან დაიხევენ დახოცავენ. ბევრ ფაქტის პირადად შევსწრებივარ. ტანკში, როდესაც სვამენ ტანკის საჭეს უდუღავენ, რომ მხოლოდ წინ წავიდეს. ჩვენდა საბედნიეროდ მოხდა ასეთი ტანკების ხელში ჩაგდება, ტყვედ ჩავარდნა და გათავისუფლება ამ ტანკებიდან." ამბობს ქუფარაშვილი.
"ჩვენ უკვე ვწვდებით ევროპელი პარტნიორების დახმარებით მარიუპოლს. ძირითად ხდება ლოჯისტიკური ჰაბების განადგურება, რომ საბრძოლო მასალები გავუნადგუროთ, მაგრამ რუსები ცდილობენ შეინარჩუნონ ის რეგულარული არმია, რომელიც მომზადებული ჰყავთ და მობილიზებული ქვედანაყოფები, რომელთა გადამზადებაც ხდება. ისინი ცდილობენ, რომ ტექნიკა ძირითადად არ ამუშაონ საბრძოლო მოქმედებებში" - ამბობს ქუფარაშვილი "შაბათის მთავარის" ეთერში ჩართვისას.გიორგი ქუფარაშვილი მარიუპოლში, ერთ-ერთი შეტაკების დროს, 2022 წლის 17 მარტს ის დაიჭრა. დიდი რისკის ფასად 22 მარტს უკრაინელმა მფრინავებმა ქუფარაშვილი ალყაშემორტყმული "აზოვსტალის" ქარხნიდან გამოიყვანეს და დნეპრში ჩაიყვანეს. რამდენიმეთვიანი მკურნალობის შემდეგ, პროფესიონალი ქართველი სამხედრო ფრონტის ხაზზე დაბრუნდა.