პენტაგონის ხელმძღვანელმა ლოიდ ოსტინმა განაცხადა, რომ შეერთებული შტატების მზადაა საჭიროების შემთხვევაში, დაიცვას ლატვია, ლეტუვა და ესტონეთი. ესტონეთის ლიდერებთან მოლაპარაკების შემდეგ ტალინში გამოსვლისას მან თქვა, რომ აშშ გააგრძელებს რეგიონში "მუდმივ, როტაციულ" სამხედრო ყოფნას.

"მინდა დღეს ესტონელ ხალხს ნათლად ვუთხრა ერთი რამ: შეერთებული შტატები გააგრძელებს ურყევად ერთგულებას ჩვენი ბალტიისპირეთის მოკავშირეების თავისუფლებისა და სუვერენიტეტის მიმართ", - თქვა ოსტინმა.

ესტონეთის თავდაცვის მინისტრმა თქვა, რომ მისი ქვეყანა "მუშაობს იმისათვის, რომ თავიდან აიცილოს" თავდასხმა, თუ რუსეთი უკრაინაში არ შეჩერდება.
ოსტინმა აღნიშნა, რომ ესტონეთში უკვე განლაგებულია HIMARS-ის დამატებითი ოცეული და მოტორიზებული ქვეითი ასეული, რომლებიც ატარებენ ერთობლივ წვრთნებს ქვეყნის თავდაცვის ძალებთან ერთად.