უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეო მიმართვაში დნიპროში რუსების თავდასხმაზე ისაუბრა, რომელსაც, მინიმუმ 40 ადამიანი ემსხვერპლა. ზელენსკის განცხადებით, ომის დანაშაულში მონაწილე ყველა პირი პასუხს აგებს.

“უკრაინის უსაფრთხოების სამსახურმა უკვე დაიწყო ინფორმაციის შეგროვება იმ რუსი სამხედროების შესახებ, რომლებმაც მოამზადეს და განახორციელეს ეს დარტყმა. ეჭვგარეშეა: ამ ომის დანაშაულში ყველა დამნაშავე გამოვლინდება და სასამართლოს წინაშე დადგება. ეს დარტყმა დნიპროზე, ისევე როგორც სხვა მსგავსი დარტყმები, მიეკუთვნება სისხლის სამართლის საერთაშორისო სასამართლოს იურისდიქციას. ჩვენ გამოვიყენებთ ყველა ხელმისაწვდომ შესაძლებლობას - როგორც ეროვნულს, ისე საერთაშორისოს - უზრუნველვყოთ, რომ ყველა რუს მკვლელს, ყველას, ვინც გასცემს და ასრულებს ბრძანებებს სარაკეტო ტერორის შესახებ ჩვენი ხალხის წინააღმდეგ, იურიდიული სასჯელი დაემუქროს. და უზრუნველყონ, რომ მათ სასჯელი მოიხადონ”, - თქვა ზელენსკიმ.

ცნობისთვის, დნიპროში, საცხოვრებელ კორპუსზე სარაკეტო იერიში რუსეთმა 15 იანვარს მიიტანა.